Royal, Bluestar & Hornbills quarter tongogo

Kohima, March 20 (TYO): Royal Tourniquet; Bluestar Cricket Club, Dimapur aser Kohima Hornbills teloki pei asaya koka tang tasayadak 7 buba Silver Cup Twenty20 T20 Cricket Tournament quarterfinal nung shilem agitsü jenjang tanü, Deobar nü ajangzükogo.
Tanü mezüngbuba asaya nung Royal teloki wicket 4 agi Police Union Baptist Church (PUBC) telok madak takok angu.
Puchu-i runs 46 yangluba densema, par PUBC teloki wicket 6 laoa ajak agi runs 143 yangluba sülen Nirban aser Abishek nati runs 47 aser 34 yangluba densema, par Royal teloki overs 18.1 nung PUBC teloki yangluba runs ajangteta tanü asayaji kokadok.
Mezüngbuba asaya nung Nirban Man of the Match shim.
Bluestar telokia runs 95 agi Wriggles telok madak tanabuba asaya akok.
Imliwati aser Bharat nati runs 52 aser 50 yangluba densema, par Bluestar teloki wicket 6 laoa runs 183 yanglu saka Wriggles telok asayar ajunga overs 17 buba tashi nung asayadak nungi temalen tugua runs 87 dang yangluba yong par teloki tamakok ajuru.
Tanabuba asaya nung Imliwati Man of the Match shima liasü.
Tasembuba asaya nung Hornbills teloki wicket 7 agi Electrical Colony madak takok angu.
Mar-i runs 22 yangluba densema, par Electrical teloki runs 130 yanglu saka Sobin-i runs 65 yangluba densema, par Hornbills teloki overs 16.2 nung Electrical teloki yangluba runs ajangteta tasembuba asayaji akok.
7 buba Silver Cup – March 21 nü asaya yamai alitsü:
Kohima Hornbills-B  Vs  Sechu Zubza Students Union @ 7am
Street Boys Wokha  Vs  United CC @ 10am
Sparks CC, Dmp  Vs  Hindu Temple CC @ 1pm