CEO-i NERP & SVEEP atema senden jateper

Dimapur, March 21 (TYO) : April 2, 2016 nü Chief Electoral Officer, Nagaland indang official residence nung State Level Political parties aser NGOs den senden ka amentsü.

Iba senden ya National Electoral Roll Purification (NERP), 2016 program aser Systematic Voters’ Education & Electoral Participation (SVEEP) atema lir aser senden nung President, Bharatya Janata Party; President, Indian National Congress; President, Nagaland Peoples’ Front; President, Janata Dal (United); President, Nationalist Congress Party aser President, Beauty & Aesthetics Society of Nagaland (BASN) nungertem adentsü jaoker, ta sorkar sangdong ka nung metetdaktsü.

NERP, 2016 ta March 1, 2016 nungi tenzükba mapa ka lir aser August 31, 2016 nung tembangtsü. Senden nung Electoral Rolls (ER) tajungba yanglushitsü aser Polling Stations (PSs) taletet aser tesemtem indang onüktem benoka olemteptsü.

NERP, 2016 nung temsüa aliba sensotem tenüng züluoktsü aser aiben tenüng züluoka alibatem agientsü. EPIC nung tasürtem, talidak belenba aser aibelena enoka alibatem metongshitsü. Iba mapa nungsa noksa aiben enoka aliba metongshitsü aser noksa malibatem enoktsü aser ano noksa mejungi enoka alibatem tajungba melena enokshitsü.