Zion School Tzüdikong nung tesayur Orientation sentong agi

Tzüdikong, March 22, 2016 (TYO) : March 19 nü Zion School tesayurtem orientation sentong ka tajangzük tulu ngua agiogo.
Iba sentong nung EBRC Changtongya kübok TOT, Toshiwati aser TOT Mrs. Pangertula, tenati tanü school nung koba yimya agi sayuba ajanga tanurtem tiptema aser jangratema angazüker (Continuous Comprehensive Evaluation), item inyakyim rateta sayu.
Zion School Education Committee ajanga temelaba agütsüba ama, school nung kaketshisatsü angazüker tsüraburtem telongjem ajanga iba sentong ya katsü, ta sangdong ka nung metetdaktsü.
Headmaster Mr. Imsuyanger Jamir-i tongti shilem agirtem, School Education committee aser tsüraburtem dang pelaba metetdaktsü. Iba sentong nung tesayurtem 15 aden.