N Zealand Open: Manu o Ashwini main draw-i iogo

Auckland, March 22 (Agencies): India’er badminton mixed doubles asayar, Manu Attri aser Ashwini Ponnappa nati takok ngua asayaba sülen tang tasaydak New Zealand Grand Prix Gold asayamong main draw nung shilem agitsü jenjang nguogo.
Manu o Ashwini nati points 21-10, 21-11 ngua N Zealand asayar, Niccolo Tagle aser Deborah Yin na 2 buba round nung tsükdakja main draw nung shilem agitsü jenjangji angu.
Tenati Australia asayar, Robien Middleton aser Leanne Cho na den main draw asaya nung shilem agitsü lemzükogo.
Manu-i külem sensopur, B Summeth Reddy dena aroki lungjemer Chinese Taipei nunger Shang Kai Lin aser Lu Ching Yao na den tebur doubles asayatsü renema lir.
Ano külen, India’er tetsür doubles asayar, Jwala Gutta aser Ashwini nati tetenzükba asaya nung bye ngua Japan tsür, Mayu Matsumoto o Wakana Nagahara na aser N Zealand tsür, Maria Masinipeni o Jasmin Chung Man Ng na rong nung takok angur den 1 buba round asayatsü lemzükogo.
Pranaav Jerry Chopra aser N Sikki Reddy natia Australia asayar, Jonathan Sun aser Jennifer Tam na den mixed doubles asaya asayatsü.
India nungersa, Pranaav o Akshay Dewalkar nati N Zealand nunger Joshua Curry o Maoni Hu He na den ajuruteptsü.