Raymond Moore-i Indian Wells Director menden toktsür

Indian Wells, March 22 (Agencies): Indian Wells Director, Raymond Moore-i tetsür tennis asayartem bendanga benshiba olen lemsatepba ken o nung ajemdaker Director menden toktsüogo.
Tetsür World No. 1, America tsür, Serena Williams aser tetsür tennis asayar mongin, Martina Navratilova na densema, tongti tennis asayartemi aitsütsü tenzükba sülen Moore-i lenisütsü mendenji toktsütsü lemtet.
“Moore-i Chief Executive Officer (CEO) aser asayamong director menden toktsütsü lemtetba osang metetdaktsüogo,” ta Indian Wells asayamong kibur, software billionaire, Larry Ellison-ia Moore-i director menden toktsütsü lemtetba osang jangjashitsüogo.
Taoba tennis asayar, South Africa nunger arishi küm 69 tain Moore-ia aibelena jembiba atema taidok meshia liasü.