Ni Kotak nguner

Tamanger tajung : Oh Revenba, na ajuruba atema ni kanga pelar.
Rev. Alokba : Ni ajuru nung na kechi pelatsü ali?
Tamanger Tajung : Ni kotak nguner, Koma asü nung angutsü?
Rev. Alokba : Amangangma, süra nai aginüba ama kotakji angutsü.
Tamanger tajung : Ni arishi piyong amanga arur, saka mangur.
Rev. Alokba : Nü tenük anaji arokdokang, süra nai kotak angutsü.
Tamanger Tajung : Ni tenük anaprongla lir-a kotak mangur nung tenük mali koma sür kotak angutsü.
Rev. Alokba : Süra na molumi aotsü, kotak mangutsü, Laishibai ashir na tenük ana dener molumi aodangbo tenük poker kotaki ao tajungba.
Tamanger Tajung : Ni tenük anaprongla mali kotaki atu nunga kecha mangutsüji tajangzük malitsü.
Rev. Alokba : Oh tamanger tajung, nai mangateter dang, na tenük aliba agi tangar ki tajung takdang pezü pongu atongtepa asüba angudang nai tenük meremer, tangar gari tajung alia amshia ngur tenük meremer, tepseter, ashioktsür, arishir, külakoktsür, tangar tajung akümdang na jashir, tangar tobur tajung, süoshi tajung süboa ngur nai tenük meremer, tangar tajung ajak ngur na pela malir, tenük merem azüokang süra nai aginüba ama kotak angutsü.
Tamanger Tajung : Süra ni asüngsa kü tenük anaprongla arokdokdi.
Rev. Alokba : Asüng, asüng ta asübaji menuadoker alitsü, anungji asüng ta masü tangsa dang lemteta tokang.
Tamgner tajung  : Aya! nibo tenük ana ya-ang apayua bilemer.

Lilir – M.T.Chuba Lkr., Mokokchung