Football academy lapoktsü tejangraba lir: Coal India Ltd

Kolkata, July 25 (Agencies): Ali telung nungi senti oset tuteter telok, Coal India Ltd-i Sports Authority of India (SAI) den football academy ka lapoktsü atema jembitsü tenzükba osang ka tanü Honibar nü metetdaktsüogo.
“Onoki academy lapoktsü kanga jangrar aser SAI danga asüngdangya süogo. Iba mapatong ya ita 10 shi nung tenzüktsü imlar,” ta Coal India Chairman XI aser Calcutta Sports Journalists Club na Mohun Bagan nung friendly match ka asayaba mapang Coal India nung mendenbuba & Managing Director, Sutirtha Bhattacharya-i ashi.
India nung iba amala mapatong inyaker 8 lir aser Coal India-i item telok shiai indoor aser outdoor saisapong kaka shimteta inyakyim tenzükang, ta metetdaktsüogo.
“Onoki team tentettsü, lanurtem nem tarutsü asoshi training agütsütsü aser terenlok atema inyaktsü. Iba den külemi onoki tajangzük anguba nungi saisapongtsü atema küm nung sen crore 12 indoker,” ta paisa ashi.