N Zealand Open: India’er doubles asayartem 2 buba round-i iogo

Auckland, March 23 (Agencies): India’er doubles asayar telok 4 tashi tang tasayadak New Zealand Grand Prix Gold badminton asayamong 2 buba round nung asayatsü jenjang tanü, Bodbar nü ajangzükogo.
Mixed doubles asayar, Manu Attri o Ashwini Ponnappa nati points 21-13 10-21 21-12 ngua Australia asayar, Robin Middleton o Leanne Choo na madak takok anguba sülen South Korea asayar, Shin Baek Cheol o Chae Yoo Jung na den 2 buba round asayatsü lemzükogo.
Pranaav Jerry Chopra o N Sikki Reddy natia points 21-8 21-9 agi Australia asayar, Jonathan Sun o Jennifer Tam na tsükdaktsüba sülen Japan asayar, Takuto Inoue o Naru Shinoya na den taruba asaya nung ajuruteptsü.
Manu Attri o B Sumeeth Reddy nati points 21-11 17-21 21-16 agi Chinese Taipei nunger Shang Kai Lin o Lu Ching Yao na tebur doubles asaya nung tsükdaktsü.
Tenati Philippines nunger Ronel Estanislao o Paul Jefferson Vivas na den 2 buba round nung ajuruteptsü.
Pranaav o Akshay Dewalkar natia points 21-11 21-7 ngua New Zealand asayar, Joshua Curry o Maoni Hu He na madak takok anguba sülen Chinese Taipei nunger Chen Hung Ling o Chi-Lin Wang na den 2 buba round asayatsü lemzükogo.