7 buba Silver Cup: Hornbills ‘B’, Diphu & Missionshires semi-i iogo

Kohima, March 23 (TYO): Kohima Hornbills ‘B’, Diphu XI aser Missionshires Kohima teloktemi takok ngua asayaba sülen tang tasayadak 7 buba Silver Cup Twenty20 (T20) Cricket Tournament asyamong semifinal asayatsü jenjang tanü, Bodbar nü nguogo.
Tanü mezüngbuba asaya nung Hornbills ‘B’ teloki runs 130 agi Street Boys Wokha telok madak takok angu.
Par teloki overs 20 nung wicket 6 laoa ajak agi runs 195 yangluba sülen Wokha asayar ajunga overs 17.4 nung asayadak nungi tugudakja ajak agi runs 44 dang yangludaktsü.
Tanü asaya nung runs 55 yangluba den külemi, wicket-a 3 tashi agia kanga junga shilem agisang, Sandeep Paul mezüngbuba asaya nung Man of the Match asayar shim.
Diphu telokia wicket 9 agi Kohima Hornbills telok madak tanabuba asaya akok.
Toluto-i runs 48 yangluba densema, par Hornbills telok asayar ajunga overs 18.4 nung asaydak nungi temaleni tugua ajak agi runs 90 yanglu.
Tesülen, Diphu teloki wicket 1 laoa overs 8.4 nung Hornbills teloki yangluba runs ajangteta tanü tanabuba asayaji kokadok.
Tanabuba asaya nung Babu Deka Man of the Match asayar aküm.
Missionshires telokia wicket 1 agi Sparks Cricket Club Dimapur madak tasembuba aser tatembangba quarterfinal asaya akok.
Sparks telok nem overs 18.5 nung runs 96 yangludaktsüba sülen Missionshires teloki tanü asayaji kokadok.
Tasembuba asaya nung Kiebeuding Man of the Match shima liasü.
Asüng, Brehostibar nü nungi tenzüka semifinal asayatsü aser Bluestar Dimapur telok aser Diphu XI teloki anepdang 9:00 ako nungi tenzüka mezüngbuba semifinal asayaba sülen 12:30 ako nungi tenzüka Missionshires Kohima aser Kohima Hornbills ‘B’ telok na tsüngda tanabuba semifinal asayatsü lemzükogo.