Sorkari ‘State Quality Board’ ketdangsertem shimtsüogo

Dimapur, March 23 (TYO) : Nagaland sorkari tang nungi tenzüka ‘State Quality Control Board’ nung mendenbuba aser züngsem asütsü atema teküpolen agüja aliba ketdangsertem shimtsüogo:
(a)    Wepretso Mero, Rtd. Commissioner & Secretary –         Chairman
(b)    Er.Peter Solo, Rtd. Engineer-in-Chief, NPWD    –    Member
1. Ita shia pension entoker Mendenbuba nem sen 50,000/- aser Züngsem nem sen 40,000/- (fixed honorarium) agütsütsü.
2. Tena prong nem office nüngdak jaja dang amshitsü asoshi gari ka ka agütsütsü aser ibaji anishitsüpur nem agütsütsü atema sen 3,450/- (fixed) agütsütsü. Iba den külemi TA/DA ajak state sorkar ketdangsertem Grade Pay sen 8,900/- angur den saku agütsütsü.
3. Tena ya küm tatakzük asem asoshi alitsü saka küm asem matong dang arishi küm 65 jungra mapa nungi anentsü.
4. Tasen shimokertemi mapa agizük/magizük ita ka tsüngda metetdaktsütsüla.
5. State Quality Control Board inyakyim aser telatetba ajak March 18, 2011 nü metetdaktsüba ‘even number’ tem nung shia aliba dak ajemdaker aotsü.
Iba osang ya Department sangdong May 24, 2011 nung ‘even number’ nung shia aliba den sentaktepba agütsürba lir.