Zendaya-i ‘Spider-Man’ movie nung shilem agitsü

Los Angeles, March 24 (Agencies): Actress, Zendaya Coleman-i ‘Spider-Man’ movie tasenba nung shilem agitsü.

Tawa ‘The Ellen DeGeneres Show’ nung arishi küm 19 kentener Coleman-i iba osangji jangjaja, lai Sony indang reboot project nung shilem agitsü, ta shia liasü.

“Ni yangji shilem agitsü ta ashiba dak alaka tanga kecha meshitettsü,” ta lai ashi.

Zendaya-i ‘Michelle’ ama Tom Hollander (Peter Parker) den külemi shilem agitsü.

Lai Michelle ama shilem agitsü ta osang prokba sülen nungi tasüngdangba aika arur, kechiyong Spiderman comic kaket nungbo Michelle shilem mali.

Spider Man film tasen direct asüba board nung Jon Watts densema lir.

Iba film ya US nung 2017 küm July 7 nü sayatsü.