NPCC-i Good Friday aser Easter Sunday salem abener

Dimapur, March 24 (TYO) : NPCC Tir, K Therie-i sangdong ka nung Good Friday aser Easter Sunday salem lemsatepogo.
Yisui asen temenen alangzüktsü atema pa taküm bendanga agütsü aser tasemnübuba nung pa shia aru. Iba nüngtem nung asenoki Easter Sunday amunger aser iba anogomung ajanga asenok tatok angur aser Tsüngrem nungi teti tatem makaba taküm tenangzükba angur, ta K Therie-isa metetdaktsü.
Iba Easter anogo nung ni Naga nunger dang asen mulungjangi Yisu aidaktsütsü aser Tsüngrem, pei aser tangar tsüngdang ochishir ka asütsü ayongzüker. NPCC-i nisung ajak dangi Good Friday aser Happy Easter tepela salem abener, ta K Therie-isa ashi.