Kohima nung Tata Sumo gari 2 apu

Dimapur, March 24 (TYO) : March 24, 2016 nü DEF Kohima nungi DIB aser A/10 NAP (IR) personnel den Anti Vehicle Theft Squad (AVTS)-i temulung melemi bilemba gari ka sota ayu.
Old Bye-Pass Check-gate nung parnoki garitem mita reprangdang Tata Sumo (NL-07T-0159) gari indang kulikaket nung Engine aser Chassis number ji gari nung aliba den meputepi aliba ajitet, ta Sub-Divisional Police Officer & PRO Kohima-i sangdong ka nung metetdaktsü.
Iba dak sendakba nung Athisü Mao ta ser nisung ka puogo aser pa ya Senapati, Manipur nungi Loli Mao’er jabaso ta ta jangjaogo. Iba asoshi Kohima North PS nung ken o ka benokogo, ta
Ano, Kohima nungsa Tata Sumo (Zonal Taxi) ka chassis aser engine number meputepi aliba ajiteta apu.
Taila kulikaket bener senzüba atema police-i Athirü Mao ta ser nisung ka apu. Pa ya Senapati, Manipur nungi Athirü Mao’er jabaso ta jangjaogo. Iba dak sendakba nung Kohima South PS nung ken o ka benokogo, Kohima Police-i metetdaktsü.