Miami Open: Del Potro-i Federer den 2 buba round asayatsü

Key Biscayne, March 24 (Agencies): Argentina nunger tennis asayar, Del Potro-i tang tasayadak Miami Open tennis asayamong tebur singles 1 buba round asaya yashi, Bodbar nü kokogo.
Teka operation agiba yong taoba ita 11 tashi tennis asayamong nung shilem magiteti süidaktsüsang, Potro-i yashi minute 87 nung points 6-0 7-6(4) ngua külem sensopur, Guido Pella madak takok ngua Switzerland nunger tennis asayar mongin, Roger Federer den taruba asaya asayatsü lemzükogo.
Federer-a taoba February ita temokok operation agia anisüngzükba sülen tan mezüngsüa Miami Open nung shilem agiba osang jangjaogo.
Ano külen, Britain nunger Kyle Edmund-ia points 6-4 5-7 7-6(6) ngua Czech Republic nunger Jiri Vesely tsükdaktsüba sülen tebur World No. 1, Serbia nunger Novak Djokovic den 2 buba round asayatsü jenjang ngua lir.