Shiva Asian Olympic Qualifiers quarter tongogo

Qian’an, March 28 (Agencies): India nunger tsüngteper, Shiva Thapa aser L Devendro Singh nati takok ngua tang tasayadak Asian Olympic Qualifiers asayamong quarterfinal-i tanü, Hombar nü iogo.
Shiva-i tebur temang touzük seret 56 taret shilem nung points 3-0 ngua Korea nunger Myeongkwan Lee tsükdaktsü.
Devendro-ia seret 49 taret shilem nung points 3-0 ngua Malaysia nunger Mohd Redzuan Muhamad Fuad Bin madak takok angu.
Ajisüaka, külem sensopur, Gaurav Bidhuri aser Mandeep Jangra nabo tanü tamakok ajurua liasü.