Kuala Lumpur, March 29 (Agencies): Malaysia’er teloktep opposition teloki Kuala Lumpur yimtiba nung longkak aita par Ato Kilonser, Najib Razak-i yimsüsütsü menden toktsütsü takhangba benoka osang jangjaogo.
Ochimashi inyakba aser rongsenketsüng mejungi asüba ken o nung ajemdaker opposition teloki Najib Ato Kilonser menden nungi anentsü takhangbaji benoka liasü.
Malaysia sorkari ketdang asüba 1Malaysia Developmetn Berhad (1MDB) senpong nungi dollar sen million 681 shi Najib senpongi ozüng alema 2015 küm yokba osang bushitetba sülen ‘Save Malaysia’ tenteti ayonger külen opposition teloki tan longkak aita par takbangba benokba osang jangjaogo.
1MDB nung Malaysia Finance Minister mendena abensang, Najib mendenbuba aliba osanga bushitetogo.
Tan agiba longkak aittsü sentong nung tesüiba Malaysia Ato Kilonser, Mahathir Mohamad-ia shilem agia liasü.
Najib-i Malaysia PM menden toktsütsü takhangba benoker added by asungba on
View all posts by asungba →
You must be logged in to post a comment Login