Supreme Court-i taoba Congress MLA 8 anema benokba petition agizük

Kohima, March 29 (TYO): Nagaland Pradesh Congress Committee (NPCC)-i All India Congress Committee ajanga yaküm NPF nung adenertem, taoba Congress MLA 8 anema Writ Petition benokba Supreme Court-i tanü agizükogo.

“November 2015 nung taoba Congress MLA 8-i NPF nung adenba atema parnok disqualification asütsü atema AICC-i Writ Petition ka benokba tanü Supreme Court-i agizükogo” ta NPCC tir, K. Therie-i metetdaktsü.

2014 küm taoba NCP MLA 3 BJP nung adenba ken o den iba petition ji loktepogo, ta K Therie-isa ashi.

Iba ken o atema AICC tenüng nung Senior Advocate Salman Khursheed aser taoba Foreign Minister & Advocate Arvind Kumar Gupta na okadak noktak, ta paisa shisem.

Taoba Congress MLA 8-i NPF nung adenba anema Congress-i disqualification petition benok saka Speaker Chotizuh Sazo-i ibaji magizükba atema Congress-i Supreme Court nung special leave petition ka benok.

State Assembly Speaker-i taoba Congress MLA 8 NPF nung adentsü melaba anema Congress-i February 9 nü petition ji benoka liasü.