Syria 2018 World Cup qualifying 3 buba round tongogo

Tokyo, March 29 (Agencies): Syria’er football teloki 2018 World Cup qualifying aser 2019 Asian Cup tatembangba shilem nung shilem agitsü jenjang nguogo.

Kasa tetoktepba nung shilem agitsü jenjang ngua aliba Japan telok den tanü asayaba Group E asaya nung Syria teloki goal 0-5 agi tamakok ajuru saka Australia teloki goal 5-1 agi Jordan madak takok anguba yong Asia telok 8 densemba Group E nung temaba jenjang abener Japan sülen anidaka, Syria-i tanabuba jenjang ngua, tanü jenjang tajungji ajangzük.

Tanü tashi World Cup asayamong nung shilem agitsü temeten ken danga ngua maliba Syria telok ya 3 buba round nung shilem agitsü temeten angur asayar telok 12 rong nung densemer lir.

Par telok 12-ji telok 8 densemba telok 2 küma lemsatsür külen maneni toktepa asayatsü aser telok shia nungi temaba jenjang 2 angur telok 4-i Russia 2018 World Cup nung shilem agitsü temeten angutsü.