Casillas-i football asayatsüren toktsütsü akok

Madrid, March 29 (Agencies): Spain international goalkeeper, Iker Casillas-i kobi meli football asayatsüren toktsütsü bilemba olen ka metetdaktsüogo.

Taoba mapang Real Madrid telok goalkeeper aliba sülen tang Portugal nung tenetba Porto telok nung goalkeeper, arishi küm 34 tain Casillas-i Romania telok den goal 0-0 draw ngua taoba Deobar nü asayaba friendly asaya nung par Spain tenüng nung shilem agiba sülen international asaya nung 166 benbuba tashi shilem agiba otsü yanglua liasü.

Pai iba otsüji yangluba sülen Latvia nunger Vitalijis Astafjevs-i yangluba international asaya timtiba nung shilem agiba European asayar akümba otsü ajangtetogo.

Angazükba agi, Casillas-i 2016 Euro Championships tembanga asayba sülenbo football asayatsüren toktsütsü.