Miami Open: Serena o Murray nati tamakok ajurur

Miami, March 29 (Agencies): Tetsür World No. 1, Serena Willaims aser tebur World No. 2,  Andy Murray nati tamakok ajurua tang tasayadak ATP & WTA Miami Open tennis asayamong nung joko shilem magitettsüsa jenjang tamajung yashi, Hombar nü ajuruogo.

Tan asayamong nung 15 buba jenjang abenla, Russia tsür, Svetlana Kuznetsova-i points (3/7), 6-1, 6-2 ngua taoba mapang Grand Slam takok marok 21 tashi agizükla, Serena tsükdaktsü.

Arishi küm 34 tain America tsürla, Serena-i tan agi Miami Open takok marok 9 buba agizüktsü alizüng yur shilem agia liasü saka lai mamangtsüsa yashi tamakok ajuru.

Ano, tan asayamong nung 26 buba jenjang abener, Bulgaria nunger Grigor Dimitrov-i ghonda 2 ser minute 24 nung points 6-7 (1/7), 6-4, 6-3 ngua Britain nunger Murray madak tebur singles 3 buba round asaya koka liasü.

Taoba mapang Grand Slam takok marok 2 tashi agizüksang, arishi küm 28 tain Murray-ia tan agi Miami takok marok 3 buba agizüktsü alizüng yua liasü.

Tetsür World No. 2, Poland tsür, Agnieszka Radwanska aser Spain tsür, Garbine Muguruza nata tamakok ajuruba osang jangjaogo.

Switzerland tsür, Timea Bacsinszky-i points 2-6, 6-4, 6-2 agi Radwanska tsükdaktsü aser Belarus tsür, Victoria Azarenka-i points 7-6 (8/6), 7-6 (7/4) ngua Muguruza madak takok angu.