3 buba 10-Nothern Angami T20 Bash osang

Kohima, March 29 (TYO): Upper L. Khel Riders, P.Khel Eagles aser High School Daredevils teloktemi pei asaya koka tang Kohima nung tasaydak 3 buba 10-Northern Angami Twenty20 (T20) asayamong nung tanü, Mongolbar nü shilem agiogo.

Tanü takok anguba sülen telok asemprongi points 3 ngusema liasü.

Tanü mezüngbuba asaya nung Riders teloki wicket 8 agi Kenuozou Wolves telok madak takok angu.

Mezüngbuba asaya nung wicket 3 agiba den külemi, runs 16 yanglusang, Keneilhouzo-i Man of the Match sempet agizük.

Eagles telokia runs 11 agi D. Khel United telok madak tanabuba asaya akok aser Khrietuo-i runs 44 yanglua Man of the Match asayar aküm.

Tasembuba asaya nung Daredevils teloki runs 4 agi Peraciezie Royals telok tesükdaktsü. Tanü asaya nung runs 51 yanglusang, Aduo Man of the Match shima liasü.

March 30 nü asaya yamai alitsü:
Tsütuo Knights vs D. Khel United @ 7am
Mission Dukes vs Lower Bayavü Giants @ 10:30 am
Zienuobadze High Flyers vs Upper Bayavü Sixers @ 2pm