India Open: Saina 2 buba round-i iogo

New Delhi, March 30 (Agencies): Defending champion, India tsür, Saina Nehwal aser külem sensotsür, Rituparna Das nati pei asaya koka tang tasayadak India Open Super Series badminton asayamong tetsür singles 2 buba round asayatsü jenjang tanü, Bodbar nü ajangzükogo.
Olympic bronze medallist, Saina-i minute 34 nung points 21-7 21-13 ngua külem sensotsür, Tanvi Lad 1 buba round nung tsükdaktsü aser Rituparna-ia points 21-18 21-15 agi külem sensotsür, Anura Prabhudesai madak takok angu.
Ajisüaka, B Sai Praneeth aser Ajay Jayaram nati tetenzükba round asaya nung tamakok ngua liasü.
Indonesia nunger Sony Dwi Kuncoro-i points 22-20 21-13 ngua Praneeth tsükdaktsü aser Germany nunger Marc Zwiebler-i points 11-7 19-17 21-12 agi Jayaram madak takok angu.
Tebur doubles shilem nung Pranaav Jerry Chopra o Akshay Dewalkar nati points 21-17 21-16 ngua külem sensopur, Arjun Kumar Reddy Malgari o Santosh Ravuri na tsükdaktsü aser Manu Attri o B Sumeeth Reddy nati points 21-13 21-13 agi külem sensopur, Vineeth Manuel o S Sanjeeth na madak takok angu.
Mixed doubles shilem nunga Manu-i Ashwini Ponnappa den aroki lungjemer points 21-7 21-3 ngua külem asayar, Kapil Chaudhary o Smriti Nagarkoti na tsükdaktsü aser Pranaav o Sikki Reddy nati points 21-17 17-21 21-14 agi Korea asayar, Solgyu Choi o Eom Hye Won na madak takok angu.