World Cup qualifier: India-i tekübokba jenjang angur

Kochi, March 30 (Agencies): India teloki par 2018 World Cup qualifying asaya tatembangba nung goal 1-2 agi Turkmenistan telok nem takok ngudakja par telok densemba Group D nung teküboktiba jenjang yashi, Mongolbar nü nguogo.
Yashi asaya tenzüker minute 27 buba nung Sandesh Jhingan-i goal 1 agüja par India telok temaba jenjang nung ajungkettsü.
Ajisüaka, Amanov Arslan aser Serdaraly Atayew nati minute 49 aser 70 buba na nung goal kaka agüja par Turkmenistan telok nem takok ngudaktsü.
Yashi takok anguba sülen Turkmenistan teloki points 3 ajangzüka ajak agi points 13 nguogo.
India-i tan tamakok anguba sülen ajak agi points 3 dang ngua 2018 World Cup nung shilem magitetsüsa jenjang tamajung ajurur lir.