32 Assam Rifles, Firing Range Dimapur-i angati medical camp agi

Dimapur, March 31(TYO) : 32 Assam Rifles, Firing Range Dimapur-i United Women Welfare Organization (UWWO) den yaritepa Children Park, Supply colony nung angati medical checkup sentong ka ayongzüka agi.
Iba camp nung Chief Medical Officer (CMO), Dr. Rajesh-i anir paramedical staff 9 ajanga medical checkup angati den mozütem agütsü.
Iba camp ji UWWO Pre-nursery School ajanga ketdang asü aser shitakbabo tanurtem atema ayongzük saka tsüraburtema arua nisung 130 den timba anepalu.
UWWO ya 1976 küm tentet aser iba teloki lokti nung tangar memenepertem yaritsü atema mapa balala inyaker. Tang iba telok ya Tir, T.Yaden lenisüba kübok lir.
CMO, Dr. Rajesh-i ashiba agi, 32 AR, Firing Range-i Commandant V.S Shikarwar lenisüba kübok mapang shia angati medical camp tem ayongzüka agir.