Ni kibong akümtsü sentong mali: Katrina Kaif

July 26, 2015: Tawa olulu kar ajanga actress Katrina Kaif aser Ranbir Kapoor na aniasüngtepogo aser kibong akümtsü ta osang proka liasü saka Honibar nü (July 25, 2015) Katrina-i, iba osangji tai aser tang-tangbo la kibong akümtsü sentong mali, ta jangja-jangja metetdaktsüogo.
“Nenoki asüngdangba atema pelar ajisüaka ni engaged masü. Nenok kanga junger aser nenoki ni kibong kümdaktsüner saka tang-tangbo iba tebilembaji mali. Anungji ni kibong makümba atema yimlibilema ano nenoki mapang tatsüka aremzükang,” ta “Phantom” film trailer sayaba mapang Katrina-i ashi.
Taküm July 16 nü Katrina Kapoor asoba anogomong amongtsü atema Ranbir dena Alibaug-i aoba nungi item olulu ajak ya temai adoka liasü.
Tamalen osang ajanga ashiba agi, iba anogo nungji Ranbir-i la nem platinum aser diamond eternity band ka agüja aniasünga liasü.
Joko küm aika dena pilaba mesüra engagement agiba olulu balala proka arudar.
Ranbir aser Katrina na ya 2009 küm romantic comedy, “Ajab Prem Ki Ghazab Kahani” film tangokba mapang nungi meimtepa arur.