Mozü 103 nung jenjang ajemtsü

New Delhi, March 31 (Agencies): National Pharmaceutical Pricing Authority (NPPA)-i jenjang reprangshiba sülen mozü 103 nung jenjang kanga ajemtsü aser item mozü rongnung HIV/AIDS, tuberculosis, high blood pressure, chitemra tashitak, hepatitis C aser diabetes mozütem densema lir.
Hokolbarnü nungi tenzüka mozü jenjang tasenba nung ayoktsü, ta NPPA-i parnok indang website ajanga metetdaktsüogo.
“NPPA-i 2015 küm indang wholesale price index (WPI) nung ajemdaker mozü 103 nung jenjang melenshiogo, aser ibaji April, 1, 2016 nungi mapa küma inyaktsü,” ta parnoki metetdaktsü.
Iba ya ajanga HIV/AIDs tashitak atema tongtibang mozütem- Tenofovir, Lamivudine, Raltegravir aser hepatitis C atema mozü Sofosbuvir jenjang dalangba akumtsü. Iba den kasa tb, High blood pressure aser diabetes mozütem nunga jenjang ajemogo.
NPPA ya 1997 küm tentet aser parnoki mozü products jenjang reprangshia lateter.