PM Modi-i Nuclear Security Summit nung shilem agitsü

New Delhi/Washington, March 31 (Agencies): Ato kilonser, Narendra Modi tanü Washington tongogo aser pa anogo ananü Nuclear Security Summit nung adentsü, kong linük 50 dak nungi tema lenirtemi nuclear raraba oset amokmeren indang jembitsü.
Washington nung anogo ananü amungdang Modi-i US Tir, Barack Obama densema alima lenir aika ajurutsü sentong lir. Nuclear Security Summit ya Modi atemabo tang mezüng lir, aser paia shilem agitsü. 2014 küm Modi Ato kilonser akumba sülen pai tang agi agi asembenbuba US semdanger aser Washington anaben semdanger.
2014 September ita nung Modi-i US mezüng semdangba mapang pai White House nung Obama ajurua liasü. Iba sülen küm ka lir pai US anabenbuba semdangdang pai New York aser Silicon Valley na semdanga liasü.
Tanü nikongdang Modi-i New Zealand Ato kilonser, John Key ajuruogo aser Laser Interferometer Gravitational-wave Observatory (LIGO) nungi scientist tem ajuruogo.
Modi-i Belgium semdangba sülen yang nungjagi US Washington-i aruogo, iba sülen pai Saudi Arabia semdangtsü.