Anushka Sharma-i Kholi den joko majuruteptsü

New Delhi, April 01, 2016 : Anushka Sharma aser Virat Kohli na kanga jangja medema aliba meimlai anenatok. Tena sapurtemibo tena taitok agütsüteper ano tanaben ajurutepdaktsüner.
Ajisüaka angashiba agi tena ajuruteptsü kanga tasak kümogo.
Bollywood Life.com ajanga ashiba agi, Anushka-i tena joko tanaben ajuruteptsü khenyongi bilema mali. Virat Kholi-i tawa Anushka luja menütsüba anenang ta twitter ajanga ashidang alimaibo pai junga inyakogo ta bilema liasü ajisüaka Anushka-i bo yamaji bilema mali.
Kasa osang ajangasa ashiba agi, Kholi dang tena joko ojang medemtsü aser la mapa nung ang temulung bendanga agüja inyaktsü ta lai tebendang shiogo.
Anushka ya dang ‘Sultan’ aser  ‘Ae Dil Hai Mushkil’ film tem tetangokdak lir aser ano memonoi  ‘Phillauri’ film nunga shilem agitsü.