PDP-BJP banjemogo: Ram Madhav

New Delhi, April 01 (Agencies): Hokolbarnü BJP general secretary, Ram Madhav-i, Jammu & Kashmir nung sorkar akümtsü atema Bharatiya Janata Party (BJP) aser Peoples Democratic Party (PDP) na bangjemogo, ta metetdaktsü.
Osangbenertem den jembidang Madhav-i, “Yashi Mehbooba Mufti aser Nirmal Singh na jembiba sülen party ana tsüngda (PDP-BJP) sorkar akumtsü bangjemogo,” ta ashi.
Paisa, “Kobi melii sorkar akumtsü atema jembitsü. Taruba anogo 2-3 nung tenangzükba sentong agitsü ni imlar,” ta metetdaktsü.
Osang ka ajanga ashiba agi, BJP-i Jammu nung sadoka inyakner aser J&K cabinet nung kasa maongka aginer.
Tawa Peoples Democratic Party osang ka ajanga, April 4 nü PDP Tir, Mehbooba Mufti Jammu & Kashmir chief minister atema tenangzükba agitsü, ta sangdonga liasü.
April 4 nü tenangzükba sentong agitsüji state Angh, NN Vohra nem metetdaktsüogo, ta kasa osang ajanga ashi.
Taküm January 7 nü J&K chief minister, Mufti Muhammad Sayeed ajungbena Delhi nung asüba sülen anogo ka lir state nung Tir yimsüsüba benoka liasü.