Kisama nung JNVY Alumni get-together 2015 agi

Dimapur, July 26 (TYO) : July 25, 2015 nü Jawahar Navodya Vidyalaya Yakukie (JNVY) Alumni get together ‘2015’ sentong agi.
Iba sentong ya Kisama Heritage Village nung agi.
Arunachal Pradesh nung missionary inyaker aser JNVK alumni Samzai Meru-i temoatsü meshia sarasadema sentong tenzük. Iba sülen JNVY asür medemertem aser tesayurtem bilemteta minute ka ola madoka tetushi agütsü.
Sentong nung JNVY Alumi, Er. Vilaso Tase-i tesentepertem pelaa agizük aser pai JNVY züngsemtemi telongjem meraksai ana aser talang nungi arua iba sentong nung adenba atema pelaba ashi.
District Public Relations Officer Dimapur (DPRO) Lolano P.Khuvung mapang tatsüka JNVY nung tesayur inyak aser iba sentong nung la tetushi süa jaok.
Mapang lar kaketshir asürtem tangbo engineer, doctor, professor, lecture, nurse, India aser bendanglen missionary, kentenertem, media aser state sorkar kübok department balala nung inyakba angudang kanga pelar ta Lolano-i JNVY Alumni pur dang ashi.
“Iba ya ajanga nenoki Tsüngrem akhümtsübuba, tsürabur tashi angaba, tesayur aser tantsü-tambutem akhümtsübuba aser bendanga agüja merangba sayur. JNV nung mapang tatsüka dang tesayur inyak saka tanü nenok angudang ni kanga nüma atanger aser mapang tatsü ka dang süaka nenok tesayur inyakba atema kanga pela bilemer” ta laisa ashi.
Sentong nung nüngtugu architect engineer, Logus-ia o jembi aser JNV alumni senpong asoshi sen 50,000 tenla agütsü.
Sentong nung mendenji JNVY Alumni tongti tezülur, Renbemo liasü aser JNVY senyur Alumni Ronosin-i anküp tepela o jembi.