India nunger train tekaratiba April 5 nü tenzütsü

Agra, April 02 (Agencies): India nunger tekaratiba train ‘Gatiman Express’ Mongolbar nü tenzüktsü sentong renemogo, aser iba ya Indian Railways nung otsü tasen ka tenzüker asütsü.
Hazrat Nizammuddin, Delhi nungi  Agra Cantt. tashi senzütsü aliba train, Gatiman Express ya April 5 nungi senzütsü renemogo, ta Divisional Railway Manager meyong office sangdong ka ajanga metetdaktsü.
Union Railway minister, Suresh Prabhu-i pa indang office nungi remote control ajanga anepdang 10:00 ako nungi iba train tenzüktsütsü.
Ajisüaka iba train senzüba mapang melenshitsü- Nizammuddin railway station nungi anepdang 8:10 ako nung apusoba sülen minute 100 jajar anepdang 9:50 ako nung Agra Cantt. atongtsü.
Iba train nung AC coach 12 lir aser train nung senzürtem jangratema senzütsü atema compartment shia nung hostess, Wi-Fi angati, automatic kishi densema tanga facilitiy aika lir.
Train ticket jenjangji Shatabadi Express dang nungi timba asütsü. Taj Mahal shibangba anogo, Hokolbar dak alaka iba train ya hopta nung anogo trok jajatsü.