Emily Blunt aser Josh Brolin nati maneni ‘Sicario 2’ tangoktsü

April 03, 2016: Actors- Emily Blunt, Benicio Del Toro aser Josh Brolin nungeri maneni 2015 küm sayaba film “Sicario” indang sequel nung parnoki shilem agitsü, ta crime-thriller film director temi metetdaktsüogo.
Film producer tem – Molly Smith, Trent Luckinbill aser Thad Luckinbill nungeri Sicario film tasenba yangludar ta metetdaktsüogo, ta hollywoodreporter.com. osang ajanga ashi.
“Onoki studio nung maparen tenzükogo. Ni draft ka nguogo aser onok kanga jangradar,” ta Smith-i ashi.
“Sicario 2” film otsüji actor Taylor Sheridan-i zülutsü. Mezüng film otsüa pai zülua liasü.
Film tasenba nung shilem agitsüpurtem osang metetdaktsü dang Luckinbill-i, “Onoki otsüji temai adoka meshitettsü, saka nenoki ajak (Blunt, Del Toro aser Brolin) tanaben aruba angutsü,” ta ashi.
Ajisüaka Luckinbill-i, mezüng film direct asüsang, Denis Villeneuve ibo film tasenba nung madentsü, ta ashi.
“Denis-i direct sütetra onok pelatsü. Pa kanga mazüngi aliba nisung ka, ajisüaka iba maparen nung pai onok den shilem agidar,” ta pai ashi.