Hong Kong designer kati robot nisung mang den saku ka yanglu

Beijing, April 03 (Agencies) : Hong Kong nungi product aser graphic designer kati oset mashi bendena robot nisung mang den saku ka yangluteta lir.
Arishi küm 42 tain, Ricky Ma-i sen dollar 50,000 entoka iba robot tetsür ita 18 nung yangluzük. Iba robot ya pai America tsür actress Scarlett Johansson mesüka yanglu, ta Honibarnü People’s Daily osang ajanga metetdaktsü.
Iba robot yagi la dak programme süja aliba ama telangzüba agütsüteter.
Iba robot kouji sentsü tomoru aser tenük sentsü tanen lir. Robot nem skirt ka aser tulu ka ta semja lir.
Iba robot yagi teben aser tetsüng tera arakzüa tekolak meyipshiba den tejak agia yimya aika sayuteter.