Kader Khan asüba osangji olulu liasü

April 03, 2016 : Kaket zülur aser Bollywood actor tejen Kader Khan süogo ta Social media nung osang prokshibaji olulu lir. Pa taküm kanga junga lir, ta Khan’er kinünger kati ashi.
“Twitter aser post ajakji olulu lir. Pa taküm lir. Ni pa den nikongdang phone ajanga jembiogo,” ta Khan-i tetsüsa shilem agiba ‘Hogaya Dimaagh Ka Dahi’ film director, Fauzia Arshi-i IANS osangbenertem dang Honibarnü ashi.
“Ajaki iba olulu anentsü asoshi ni kanga mepishir,” ta lai ashi.
Arishi küm 78 tain, Khan-i film aika nung shilem agiogo, ajisüaka ‘Himmatwala’, ‘Aankhen’ aser ‘Coolie No.1’ film tem nung asayamenü shilem kanga junga agitetba ajanga nüburtem kanga pelatepdaktsüogo.
Tesüiba mapang nunga khen pa süogo ta olulu kanga sashia adoka liasü. Pa ya tain akümba agi tang ya o junga mejembitetba den junga mejajatetba ajanga Mumbai nung par kidang maneni medical teyari agidar.