Mehbooba-i tanü chief minister tenangzükba agitsü

Srinagar/Jammu, April 3 (Agencies) : Hombarnü PDP tir Mehbooba Mufti-i Jammu & Kashmir chief minister inyaktsü atema tenangzükba agitsü aser ibaji ajanga lai J&K nung mezüngbuba tetsür chief minister inyaktsü.
Arishi küm 56 tain Mehbooba ya PDP tenzüker asür Mufti Mohammad Sayeed’er jala lir aser lai asüngnep 11:00 ako nung Raj Bhawan nung tenangzükba agitsü.
Iba sentong nung adentsü atema lai taoba chief minister Omar Abdullah aser tebu Farooq Abdullah naprong jaokogo.
Mehbooba-i chief minister inyakbaji Jammu & Kashmir atema dang masü saka linük nung otsüsütsü ka lir. La Jammu & Kashmir nung mezüngbuba tetsür chief minister dang masü saka India nung mezüngbuba Muslim tetsür chief minister asütsü.
Honibarnü J&K Angh NN Vohra-i PDP tir dang state nung PDP-BJP teloktep sorkar len anitsü atema asüngdanga liasü.
PDP-BJP teloktep nungsa Sajad Gani Lone-i aniba Peoples’ Conference dena lir aser züngsem 87 agi akümba Assembly nung parnok teloktep nungi MLA 56 lir.