Azarenka-i tetsür singles takok marok agizükogo

Miami, April 03 (Agencies): Belarus tsür, Victoria Azarenka-i final asaya koka tang tasayadak WTA Miami Open tetsür singles takok marok tanü, Deobar nü agizükogo.
Taoba mapang Australian Open takok marok anaben tashi agizükla, Azarenka-i points 6-3, 6-2 ngua Russia tsür, Svetlana Kuznetsova ayong ayonga tsükdaktsü.
Tan takok anguba ya Azarenka-i taküm 2016 küm tenzüker tanü tashi nung takok marok tasembuba agizüker lir.
Azarenka-i taoba mapang, 2009 aser 2011 na nunga Miami Open tetsür takok marok agizüka lir.
Germany tsür, Steffi Graf-i 1994 aser 1996 küm aser Belgium tsür, Kim Clijsters-i 2005 küm ajangzükba sülenbo Azarenka ya kasa küm nung Miami Open aser Indian Wells takok marok agizüker tasembuba tetsür asayar akümer lir.
Tang WTA rankings nung 8 buba jenjang abenla, arishi küm 26 tain Azarenka-i tanü takok anguba sülen asüng, Hombar nü nungi tenzüka tetsür World No. 5 akümtsü.
Arishi küm 30 tain Kuznetsova-i tanü tamakok ajuruaka, la 19 buba jenjang nungi World No. 13 tonga atutsü maongka nguogo.