Team Amplified 1 buba IBL champions akümer

Kohima, April 03 (TYO): Team Amplified teloki final asaya nung takok ngua 1 buba Invitational Basketball League (IBL) asayamong champion yashi, Honibar nü kümogo.
Amplified Basketball Team (ABT) teloki ayonga taoba March ita 30 nü nungi tenzüka tan April ita 2 nü tashi asayaba IBL asayamong final nung Amplified teloki points 120-50 agi Cretan Bulls telok madak takok angu.
Amplified teloki points 55-48 agi Mystic Ballers aser Bulls teloki points 58-47 agi Kohima Chiefs telok madak takok ngua final nung shilem agitsü jenjang ngua liasü.
Mhalezolie Kire, HOD Tenyidie Kohima College; Pusolieba Youth Organization Tir, Keneisetuo Khezhie; Dziesevikuo Sachii, Ketounei Kire aser Noumviizolie Sachii nungeri takok angur nem agütsüba senpet sen tenlaba osang jangjaogo.