Rithvik-i Indian ‘So You Think You Can Dance’ sentong anitsü

Mumbai, April 06 (Agencies): Bollywood actor, Rithvik Dhanjani-i India nung tarutsü mapang agitsü ayongba “So You Think You Can Dance ‘Ab India Ki Baari'” tsüngsangtsü tetoktepba sentong anitsü renema lir.
Rithvik-i taoba mapanga ‘India’s Best Dramebaaz’, ‘Yeh Hai Aashiqui’ aser ‘Nach Baliye 7’ nunger densemba tetoktepba sentongytem takok ngua aniba osang bushiteta lir.
“Alima ajunga nung tsüngsangtsü tetoktepba sentong tulutiba anitsü asoshi yongyar. Iba tetoktepba nung yimdong nung aser tsüngsangtsü sabang nung tsüngsangbaren agi densemba ni puadaktsüogo,” ta Rithvik-i metetdaktsü.
‘So You Think You Can Dance’ tetoktepba sentong ya alima jenjang nung ayongba tsüngsangtsü tetoktepba sentong tongti ka lir.
“So You Think You Can Dance ‘Ab India Ki Baari'” sentong nung actress, Madhuri Dixit aser tsüngsang tasen porateter, Terence Lewis o Bosco Martis na nungeri tetendanger ama shilem agitsü.
Iba tetoktepba sentong ya television nung sayutsü sentong renema lir.