Nagaland MP-i kuli tai agütsüba anema ken o benok

Dimapur, April 6 (TYO) : Nagaland nungi Lok Sabha MP-i taila/tiyazü kulikaket amshiba atema ken o benok saka police-i teinyaktsü meinyakba anema okadak ken o ka benokogo.
Lok Sabha election mapang affidavit nung Lok Sabha MP-i kuli tiyazü agütsüba atema March 31, 2016 nü Chief Judicial Magistrate & Civil Judge Senior Division, Kohima okadak ken o ka benok, ta Human Rights Law Network (HRLN), Nagaland, Kohima sangdong ka nung metetdaktsü.
Iba Complaint Case agizüktsü mapang agiba atema okadak Criminal Misc. Case application benok, ta NRLN sangdong nungsa shia lir.
Iba dak sendakba nung Chief Judicial Magistrate & Civil Judge Senior Division, Kohima-i tai tonglokja alir atema okatsür dang par nisung dang osang sangoktsütsü tetuyuba agütsü aser April 18, 2016 nü ken o angadangtsü atema telemtetba agi, ta HRLN sangdong nungsa metetdaktsü.