R&B kentener Leon Haywood süogo

April 07, 2016 : Kentener aikati tatishitsü tajung nung amshisang soul-funk kenzülur-kentener aser producer Leon Haywood arishi küm 74 nung Mongulbarnü süogo. Haywood ya amoa aoba mesak.

Pai 1975 küm adokba “I Want’a Do Something Freaky to You” kensep nisung aikati tatishitsü süa amshir, ta Associated Press-i ashi.

Leon Haywood-i soul, R&B aser funk ken atentsü metenzük dang tamasa blues ken tena liasü aser Aaliyah, Cam’ron, 50 Cent, Common aser J. Cole nungeri pa ken ya tatishitsü ama amshir.

1960s mapang nung pa R&B saxophonist Big Jay McNeely telok den kenten tour jaja aser iba mapang pai Sam Cooke nungita kensa aten.

1967 küm pai atenba “It’s Got to be Mellow,” ken R&B nüngtugu ken rongnung ka aküm.

Ano 1970s mapang pai atenba “Strokin’,” “Come and Get Yourself Some” aser “Keep It in the Family.” Kentem kanga nüngtugu aküm.

1980 küma pai atenba ken “Don’t Push It Don’t Force It” ajanga R&B chart nung jenjang 2buba tashi tongtet aser iba sülen “I Want’a Do Something Freaky to You” kensep, chart aika nung khen nung nüngtugu aküm aser tang tashi item ken kentenertemi tatishitsüsa amshia arur.