19th Assam Rifles-i Tabitha Enabling Academy semdang

Kohima, April 8 (TYO) : April 7, 2016 nü Commandant Col. TN Singh lenisüba kübok 19th Assam Rifles, Kohima-i “Tabitha Enabling Academy” nung tanurtem aser tsüraburtem atema sentong balaka ayongzüka agi.
Naga Mothers’ Association (NMA)-i mapa tajung inyakba pela agizükba tamaitsü sayua Assam Rifles-i iba sentong ayongzük.
“Tabitha Enabling Academy” Kohima nung agiba sentong nung NMA Joint secretary, Sawmi Leyri aser Entrepreneur Development Agency (EDA) & Academy chairman, Kudecho Khamo na aden.
Academy ketdangsertem den sensaksemdang Col. Singh-i maneni parnoki iba mapa tajung nung yariteptsü nangzük.
Iba mapang Sawmi aser Kudecho naprongi tanurtem atema kanga süoki ia bilemtsüba lemsatep aser nübortemi item tanurtem nem teyari agütsütsü mepishia metetdaktsü.
19th Assam Rifles-i Tabitha Enabling Academy nem computer aser printer ka den pottery making machines pezü agütsüba atema tenatisa pelaba metetdaktsü.