Tuli nung MMU, CECS-i World Health Day amung

Dimapur, April 8 (TYO) : April 7, 2016 nü Mobile Medical Unit, Community Educational Centre Society (CECS)-i Govt. Higher Secondary School Tuli nung World Health Day amung.
Iba sentong ya CECS Director, Subonenba Longkumer-i tenzüktsü aser iba mapang pai Nagaland nung temang anemalibaren dak sendakba onüktem jembi.
Mapang shitak nung pei temang anepalutsü aser nisung ka atema tongtipangtibaji temang anema aliba lir, anungji asenoki asen temang meima anepalutsüla, ta Subonenba-i ayongzük.
Iba sentong nung Mobile Medical Unit, CECS-i ‘Beat Diabetes’ onük nung awareness agütsü. Iba sentong agiba sülen free medical check up ka agi aser iba mapang school nung nisung 100 shi temang repranga liasü.
MMU ya The Hans Foundation ajanga teyari agüja nungitba mapatong ka lir.