Saina Malaysia Open semifinal-i iogo

Shah Alam, April 08 (Agencies): India’er tetsür badminton asayar mongin, Saina Nehwal-i takok ngua tang tasayadak Malaysia Open Super Series Premier badminton asayamong tetsür singles semifinal asayatsü jenjang tanü, Hokolbar nü ajangzükogo.
Ajisüaka, külem sensotsür, PV Sindhu-i tanü tamakok ngua tan asayamong nung joko shilem magitettsüsa jenjang tamajung ajurua liasü.
Tetsür World No. 8, Saina-i tanü minute 58 nung points 19-21, 21-14, 21-14 ngua Thailand tsür, Porntip Buranaprasertsuk quarterfinal asaya nung tsükdaktsü.
Tan takok anguba ya Saina-i Porntip den 8 ben tashi ajurutepa asayadang 7 ben tashi takok angur lir.
Olympic bronze medallist, Saina-i Chinese Taipei tsür, Tai Tzu Ying den semifinal asayatsü lemzükogo.
Ajisüaka, Thailand tsür, Ratchanok Intanon-i minute 29 nung points 21-7 21-8 ngua Sindhu quartefinal asaya nung tsükdaktsü.
Tan tamakok ajuruba ya Sindhu-i Intanon ket nungi tamkok 4 buba ajurur lir.
Tetsür World No. 4, Intanon-i China tsür, Wang Yihan den semifinal asayatsü lemzükogo.