Mizoram sorkari HPC(D) den yimjung olemtep alitsü mulunga lir

Aizawl, April 9 (Agencies) : Sorkari latetba inyakyim kübok Manipur nung amenoka aliba Hmar People’s Convention (Democrat) telungpurtem den olemteptsü mulunga lir, ta Mizoram Home Minister, R Lalzirliana-i tanü metetdaktsü.
HPC(D) telungpurtemi rara prangpong-injang toktsütsü mulungra aser tarutsü nung telungpur telok mendentettsü ta nangzükra, state sorkari yimjung olemtep alitsü mulunga lir, ta Lalzirliana-i osangbener dang ashi.
Police nung jena aoer kati bener aoba dena Hmar telungpurtemi state police indang prangpong-injang rakzükba meyipa agütsütsüla, ta paisa shisem.
1997 nung HPC(D)-i Manipur nung amenoker ozüng alema mapa inyaka arur aser parnoki Mizoram aser Manipur arrtsüa aliba tesemlen autonomous council balaka tentettsü atema takhangba agütsür.