Nagaland nung National Lok Adalat ayongzüka agi

Dimapur, April 9 (TYO) : Linük den liromedema Nagaland State Legal Services Authority-i Honibarnü National Lok Adalat ayongzüka agi, ta Lok Adalat Nodal Officer, Nagaland State Legal Services Authority, Kohima sangdong ka nung metetdaktsü.
Nagaland kübok District Legal Services Authority temi Labour, Family Matters, Municipal Matters, Money Suit, petty criminal ken o tem asoshi Lok Adalat ayongzüka agi.
Item sentong nung Presiding Judges den Panel Lawyers, Para Legal Volunteers, Municipal züngsemtem aser Traffic Police personnel temi yaritep.
Tanü ken o 210 tashi benoka angadang aser item nung jagi ken o 195 tashi angatettepa tembang.
Taruba National Lok Adalat ji May 14, 2016 mesüra June 11, 2016 nung ayongzüka agitsü aser iba mapang District Headquarter ajak nung Motor accident aser Claims Tribunal & Insurance Claim tem benoka angadangtsü.