Centre-i tenük-telen mabensar nem universal I-cards agütsütsü

Vijayawada, April 9 (Agencies) : India nung tenük-telen mabensar nem universal identification cards agütsütsü atema Centre-i telemtetba agiogo, ta Union Minister of State for Social Justice and Empowerment Krishan Pal Gurjar-i metetdaktsü.
“Ministry of Social Justice and Empowerment-i universal identification card agütsütsü telemtetba agiogo. State kar nung tanga state temi agütsüba card magizüker. Iba inyakyim anendaktsütsü atema Centre-i universal cards agütsütsü lemtet” ta Honibarnü Krishan Pal-i ashi.
Andhra Pradesh kübok Atkur yimtsüng nung tenük-telen mabensar asoshi health camp ka ayongzüka agidang pai iba osang metetdaktsü.
Par ministry-i tenük-telen mabensar nem jenjang dalang yong motor-operated wheel chairs agütsütsü telemtetba agiogo. Ministry-isa sorkar department tem dang yimti 50 nung tenük-telen mabensartem senzütsü atema ramps yanglutsü tetuyuba agütsüogo, ta Krishan Pal-isa metetdaktsü.
Prime Minister’s Kaushal Yojana kübok par Ministry-i tenük-telem mabensar lakh 15 shi ka nem skill development programme ayongzüka agir. Ministry-isa parliamentary constituency ajak nung helath camps ayongzüka agir aser tang tashi nung linük kübok tesem balala nung camp 113 tashi kaogo, ta paisa shisem.
Tenük-telen mabensartem asoshi hearing aids aser calipers tajungba agütsütsü atema Social Justice and Empowerment Ministry-isa Germany aser England nungi company ana den MoU agitepogo, ta paisa metetdaktsü.
Iba sentong nung Union Minister M Venkaiah Naidu aser AP Health Minister Dr K Srinivas na aden.