Neymar-i Copa America & Rio Olympics nung shilem agitsü: Brazil

Barcelona, April 09 (Agencies): Copa America Centenario aser Rio Olympics na nung par Brazil national team tenüng nung shilem agidaktsütsü asoshi Neymar nübo agütsütsü asoshi Brazil Football Confederation (CBF)-i FC Barcelona telok dang metetdaktsüogo.
Copa America asayamong taküm June ita aser Rio Olympics taküm August ita asayatsü ayonga lir.
Ajisüaka, par teloki Neymar nem asayamong ana rong nung ka nung dang shilem agitsü melatsü renemba osang ka Barcelona telok mendenbuba, Josep Maria Bartolomeu-i CBF den tezüluba nung metetdaktsüba osang angazükogo.
Spain nung tentetba nungtugu football telok, Barcelona’er tongti asayar, Neymar-ia asayamong anaprong nung par Brazil tenüng nung shilem agitsü jangraba olen ka metetdakja lir.