Turkey: Erdogan mezüngmeshir 5 tashi tepuokdaki yok

Istanbul, April 14 (Agencies): Turkey Tir, Recep Tayyip Erdogan mezüngmeshiba ken o nung ajemdaker Turkey sorkari nisung 5 tashi tepuokdaki yokba osang angazükogo.
Tan tepuokdaki yoka merenshir nisung pungoji Turkey anülulentip tsütsülen, Snaliurfa province nung alir  lir aser parnoki social media ajanga Erdogan mezüngmeshiba ken o nung ajemdaker parnok aija merenshiogo,” ta Dogan news agency-i osang jangjashitsü.
Erdogan-i 2014 küm August ita nungi tenzüka Turkey Tir menden benokba sülen tanü tashi nung nisung 2,000 shi pa mezüngmeshiba ken o nung aija merenshiba osang ka Turkey Justice Minister, Bekir Bozdag-ia metetdaktsüogo.
Tan amala ken o nung ajemdaker nüburtem merenshiba ajanga Turkey sorkari par nüburtem indang pei tangatetba aser tebilemba tetsükdakba kecha meli lemsateptsü temeten anema inyakba tebilemtsü akatsü tenzüka lir.
Ano, Erdogan-i pa mezüngmeshirtem merenshiba den külemi, osangbener, Non-Governmental Organizations (NGO) aser tashi temetertem amokbanga ayutsü merangba osanga bushiteta lir.