Shraddha Kapoor-i ‘Rock On 2’ atema ken atentsü

New Delhi, April 14 (Agencies): Bollywood actress Shraddha Kapoor-i ‘Aashiqui 2,’ ‘Ek Villain’ aser ‘Baaghi’ film tem nung la ola ajungba sempet sayutetogo, aser maneni lai ‘Rock On 2’ atema-a ken atentsü.
Tawa twitter nung lai la sapurtem den jembidang la sapurtemi la dang, taruba la indang film tem nung lai ken atentsü asü (?) ta asüngdanga liasü.
Ibaji langzüa arishi küm 27 Shraddha-i, “Au, #RockOn2 atema ni ken ajak atentsü,” ta ashi.
‘Baaghi’ film nung Shraddha-i Tiger Shroff den tongti silem agia lir, aser iba flm ya April 29, 2016 nü sayatsü.