Robbie Willams-i Take That den longjemer

April 15, 2016: British nunger pop star, Robbie Williams-i tanaben taoba mapang par telok ‘Take That’ den külemi studio nung ken record asütsü.
‘Let Me Entertain You’ ken atensang Williams-i 1995 küm iba telok toktsüba sülen pa nija mapa tenzüka liasü. Iba sülen 2010 küm kensep ‘Progress’ atema tanaben telok den longjemba sülen 2011 nunga tour senzü, iba sülen pai iba telok maneni toktsü.
Pa maneni iba telok nung adentsü ta yaküm osang proka liasü. 2014 küm Jason Orange-i iba telok toktsüba sülen tangbo telok züngsem asem dang lir. ajisüaka 2017 küm par telok küm 25 ajungbamung atema maneni longjemtsü. Iba dak sentakba nung Robbie Williams-i Take That ken menüngoktsü atema studio nung külemi inyaktsü, ta Britain nunger The Sun osangkaket ajanga ashi.
Tang Robbie-i Mark Owen, Gary Barlow aser Howard Donald nunger den külemi ken tasen züludar, aser item kenji Take That ‘Greatest Hits’ kensep nung adoktsü.
2016 küm February ita nung Gary Barlow-i, Robbie Williams-i küm 25 ajungbamung nüngtem nung shilem  agitsü imlar, ta jembia liasü.
“Sangküm onoki Greatest Hits kensep atema inyaktsü iba sülen taruba kümji tour senzütsü,” ta pai ashi.